Roja  8 Adarê, roja cîhanî ya jinan li Kolnê hate pîroz kirin.

Komjin -Buroya jinên kurd li Kolinê ji bo pîrozkirina 8ê Adarê kombûneke şahiyê pêkanî. Seba giringîya roja  8 ê adarê ji aliyê Komjin-buroya jinên Kurd ve belavokek hate belavkirin û di nava evê belavokê da  pirozbahî li jinên kurd û gelê kurd li başurê Kurdistanê bi taybetî û li hemû cîhanê bi giştî  kirin û piştgîrya  serkevtina destkevtên gelê kurd  li başûr kir.  Di belavokê da li ser başûr tê diyar kirin: ``Em wekû KOMJIN di ewê bawerîyê da ne, ku dewleteke federal û demokratîk ji bo gelên iraqê  û hindikayên olî û netewî daxwazîyeke realîst e û ji bo berjewendîya wan hemyan ``.

Komjin di belavoka xwe da bi rohn û zelalî  rewşa bakurê Kurdistanê jî li berçav datine û armancên xwe destnîşan dike.

Rê û resma 8 ê Adarê  bi beþdarîya jin û qîz û xortên kurd li Kolnê  bi surûdê ; Ey reqîb ; dest pêkir û komek ji qîz û jinên Kurd bi awaz û dengê xwes çend surûd û sitiranên kurdî pêşkêş kirin. Koma jinên kurd bi libasên renga-renge deverên Kurdistanê sehne dixemiland.

Koma govanda Hevaltî  jî bi dengê dihol û zurna yê lêyistikên deverên cudayên Kurdistanê  pêşkêş kirin û roja  8 ê adarê pîroz kirin.

Xwarinên aşxana Kurdî  hatine pêşkêş kirin, di nava mêhvanan da xelat hatine belav kirin.

Gulşîna deng xweş û bedew bi dengê xwe yê xemrevîn şahîya roja 8ê adarê  xemiland, beşdaran bi dil û can jin û mêr , bicuk û mezin bi hevra govend girtin û mizgînya başûrê welat hembêz girtin.

Komjin-Koln 08.03.04