Bernama şahiyê bi xwendina sirûda neteweyî "Ey Reqîb" dest pê kir. Axaftina destpêkê ji alî Zîya Acar ve hat kirin. Birêz Acar ku bi xwe, di van sî salên derbasbûyî de, ji roja pêşin heta îro, wek serwer û zehmetkêşekî PSK xebitiye, di wê şevê de jî her wek sî sal berê bi hêvî bû, ji siyaseta PSK piştrast bû û bi nêzîkbûna azadiya gelê kurd û Kurdistanê bawer bû. Gava Acar axaftina xwe xilas kir, dengê çepikkutanê û sloganan salona mezin dagirt.

Di civîna şahiya 30 saliya PSK ê de sekreterê giştî ê berê birêz Kemal Burkay jî amade bû û di axaftineke kurt da dilxweşiya xwe ji bo vê roja pîroz anî zimên. Burkay di şevê de pirtûkên xwe ji xwendevanên xwe re îmze kirin.

Peyama sekreterê giştî ê PSKê birêz Mesut Tek hat xwendin û bi coşeke mezin hat pêşwazîkirin. Xên ji bi hezaran endam, alîgir û dilxwazên PSKê gelek kurdên welatparêz, siyasetmedar û rewşenbîr beşdar bûbûn. Nûnerên partiyên siyasî yên kurd gotar xwend, pîroznameyên ku ji şevê re hatibûn şandin hatin xwendin.

Bernameyeke çandî ya dewlemend hat pêşkêşkirin. Şivan Perwer, Nîzamettin Ariç, Demokrat Taha, Mikail Aslan, Alî Baran û Nilufer Akbal beşdarî şahiyê bûn.

KOMKARê û komeleyên KOMKARê yên welatên din ji şahiya 30saliya PSKê re piştgiriyeke xurt nîşandan. Di dawiya bernamê de Yilmaz Çamlibel ji hemû beþdaran re spasî pêþkêþ kirin û bi vî awayî þahiya 30 saliyê bi serfirazî gihîþt dawiyê..