Em dixwazin bizanin,
ka tirbên kalkên me li ku ne!

Gelê Kurd, ji dawiya Împaratoriya Osmanî û ji dîroka Komara Tirkiyê ya 84 salan vir da, li dijî çespandin û zilmê her dem berxwe daye. Di berdewamiya van berxwedanan da dehhezaran însanên me hatin kuştin. Ji ber ku pişgirî û alîkariya tekoşîna netewî kirin, rewşenbîrên me teda û êşkence dîtin. Bi hezaran Kurd di zindanan da rizyan, hezaran ji wan mecbûr bûn terka warê bav û kalan bikin û koçber bûn. Ji sedî zêdetir rêberên netewî hatin bi dar ve kirin.

Ji van bûyeran xetertirîn jî ew e, ku tirbên wan rêberên me yên netewî û olî ên kuştî ji me tên veşartin. Em hîn jî nizanin, tirbên însanên me yên ku jiyana xwe ji bo azadiya welat û bextewariya gelê xwe fîda kirine, li ku ne. Wek mînak, em nikarin, ku li tirbên rêberên netewî û olî, rêzdar Şêx Seîd, Seyîd Riza û Seîdê Kurdî zîyaret bikin û li ser tirbên wan dua bixwînin û rêz li wan bigrin.

Em vê helwesta dijî mirovî ya ku rêz li miriyên me nagre, şermezar dikin.

Em, kesên ku navên wan li jêr in, bang li Komara Tirkiyê dikin, ku agahdariyek rasteqîn ji bo raya giştî derxe û eşkere bike, ku termên Şêx Seîd, Seyîd Riza û Seîdê Kurdî li ku ne.

Em dixwazin bizanin, ka tirbên kalkên me li ku ne!

Kesên ku tekstê imza kirinê:

A. Melik Fırat, Ahmet Kahraman,  Bayram Ayaz, Celîlê Celîl, Dewrêşê Ferho, Eskerê Boyik, Hasan Kılavuz, Kasım Fırat, Kemal Burkay, Keya İzol, M. Said Dündar, Mahmut Kılınç, Mehemed Malmîsanij, Musa Kaval, Munzur Çem, Nejdet Buldan, Osman Aydın, Recep Maraşlı, Siraç Bilgin, Şermin Bozarslan, Şivan Perwer, Yaşar Kaya, Yılmaz Çamlıbel, Ziya Acar

24.04.2007

 Ji bo beşdarbuna kampanyaye nav û e-posta xwe binivîsîne û bişîne

Nav:     
E-mail:  
Mesaj:

                   

Jêrenot:
Ev tekst, ji bo îmzayê hatiye amade kirin. Îmzayên berhevkirî, ji aliyê heyetek va ji bo Parlamena Ewrupayê wê bê pêşkêşkirin