|
Beyana KOMCIWAN
Belengazno!!!
(Bersiva agadarîyên şaş yên ku malpera we –www.haberdokuz.com-
hatine nivîsîn)
Em wek KOMCIWAN dixwazin we hinekî agadar bikin. KOMCIWAN
komela cîwanên Kurd li seranserî Ewropa ye. Ev KOMEL 20 sal
in karê xwe dimeşîne. Hetanî îro nêzîkî 200 civîn, konferans,
kampên cîwanan, semîner pêk anîne.
Evana cîwanên ku bi kar û xebatên xwe ve nêzîkî KOMKARê ne,
lê rêxistîneka serbixwe ne.
Van cîwanên Kurd bi dehan xwepêşandan li ber balyozxanên
TC amade kirine. Ev cîwanana têkilîyên xwe yên diplomatîk
ve kelemê çavên we ne. Ew, derewên we radixin ber çavan,
polîtîka dewleta dagirker (TC) ya asîmîle û tune kirina Kurdan
eşkere dikin, vir û vizê we derdixin holê.
Ev cîwanana çand û kultura Kurdan li seranserî Ewropayê didin
nasîn. Wek nimûne: Koma Folklora Kurdî li Ingîlizistanê
du caran bû komika serkeftî ya yekan.
Dinya dizane ku sempatiya we ji bo El-Kaideyê heye. Hûn dizanin
kî APOCî ye, kî nîn e. Lê hûn bi zanetî miletê xwe didin dewsa
nezanan, hûn rastîyê ji wan wedişêrin, ew jî ew qasî
nezan an jî dij-Kurd in, ku bi hemû gotinên we bawer dikin.
Di kampa me da ji gotarvanên me yek Rêzdar
KEMAL BURKAY (Sekreterê Giştî yê Partîya Sosyalist
a Kurdistanê yê berê ) bû. Ew kesê ku mora xwe li polîtîka
Kurdistanê xistiye, daxwazên realist ji bo safî kirina pirsa
Kurdî aniye (federasyon), ji alîyê hemû partî û hêzên TC ve
tê naskirin.
Belengazno, ger hûn nizanin, ji me bipirsin, em ji we re
bêjin Kemal Burkay kî ye, em kî ne? Em xwe venaşêrin!!!
Gotarvanê me yê din Rêzdar Alî Haydar Koç jî dîroknasekî
Kurd e. Ew bi gelek belgeyan ve hemû gemarîyên dîroka TC
û dema Osmanî radixe ber çavan.
We tiştekî baş kiriye, fotoyê 60-70 cîwanan, gel
Rêzdar Burkay û Alî Haydar Koç di malpera xwe de daye nasîn.
Ev têrê dike ku derewên we derkevin holê. Dîsa, we fotoyekî
din ve jî rastiyê eşkere kiriye. Ew rasiya jî ev e, ku
Apocî tu caran ALAYA Kurdî ya pîroz di civînên xwe de dernaxin
berbipêş. Lê di civînên me de ALAYA Kurdî jî herdem li
pêşîyê ye.
Çima beşeka semîneran bi zimanê Tirkî bû? Ev jî rûreşiyeke
dewleta dagirker e, ango TC ye. Zimanê me qedexe nebûya me
wê tenha bi zimanê Kurdî semîner bimeşandana. Lê em li
serê Kurdistanê sond dixwin, ku emê zimanê xwe hînbin û rojekê
semîneran tenê bi Kurdî bidin. Tiştekî din jî heye, ku
em cîwanên Kurdan 2-6 zimanan dizanin. (Kurdî, Almanî, Ingîlîzî,
Frensî, Holandî, Swêdî, Norvêcî, Ispanyolî, Farisî, Erebî
hetanî bêjî zimanê we jî ango Tirkî). Êdî hûn nikarin vir
û vizên xwe li ser Kurd û Kurdistanê belavbikin.
Hûn bi van kirinan xizmeta gelê xwe jî nakin, ji ber ku temamiya
Ewropa Kemal Burkay, Alî Haydar Koç û KOMCIWANê nas dikin.
Xwe mekin pêkenok, carekê jî rastîyê bêjin. ŞOVENÎSTÎ,
NIJADPERESTÎ, HÛN KOR KIRINE. Lê feyde tune, emê destên we
bigrin û ji vê astengîyê xelaskin, ji ber ku em tenê maf û
azadiya xwe û azadiya erdê kal û bavên xwe dixwazin. Çavên
me ne li ser erdê kal û bavên we ye. Ji xwe azadiyê jî em
ji bo we jî dixwazin.
Nijadperestî û perwerda dîroka derewîn, erdnîgariya derewîn
hûn kor kirne. Dermanê hemû derdan hene, lê yê famkorîyê tune,
dibe ku rojekê bê dîtinê ku hûn ji famkorîyê xelasbin.
KOMCIWANê tim û tim bê xewna we, ji ber ku Komciwanî ji bo
Kurdistaneka Azad û Demokratîk dixebitin.
Bijî Kurdistan
Bijî KOMCIWAN
24.01.2008
Komîta Birêvebir ya Komela Ciwanên Kurdistan-KOMCIWAN
|
E-mail
