Ji bo amadekarên şahiya 62. Salvergera Partîya Demokrat a Kurdistanê

Berî her tiştî ji bo dawetname we em pir spas dikin û 62 salîya Partîya Demokrat a Kurdistanê ji dil va pîroz dikin.

Birêzan,

Di dîroka têkoşîna gelê Kurd da bêguman ked û xebatên bingehîn yên hezaran kadroyên têkoşer û pêşmergên qehreman û şehîdên Partîya Demokrat a Kurdistanê heye.

PDK, îro jî ji bo şerfiraziya gelê Kurd û azadiya Kurdistanê, li gor şert û mercên dinyayê kar û xebatên xwe dimeşîne. şik tune ye, ku îro ji bo parastina desketiyên Kurdistana Azad û dost peyda kirina têkoşîna her çar perçêyên Kurdistanê, kar û barên derveyî welat, xebatên dîplomasiyê ji her rojan giringtir in. Di vî warî da em her dem amade ne, ku berpirsiyarîyên xwe bînin cîh û em piştrast in, ku di pêşerojê da emê kar û xebatên hevkar bimeşînin.

Bi munasebeta 62. salîya PDKê, em careke din hemû şehîdên Kurdistanê bi bîr tînin û 62 salîya PDKê li hemû kadir, endamên PDKê û li Kurd û Kurdistanê pîroz dikin.

Bijî Tekoşîna Gelê Kurd ya Rizgarîxwaz!

Bijî Azadiya Kurdistan !

15.08.2008

Rêvebiriya Giştî ya

Yekîtiya Komelên Kurdistan-KOMKAR