Çalakiya KOMKAR Duisburgê ya vê carê,

Kurdên li Diyasporayê û Xebatên Lobîtyê bû!

Huseynê Emîn / Dema Nû / Duisburg

Wek me berêjî agahdarî dabû xwendevanên xwe, Komeleya KOMKAR’ê ya Duisburgê mehê carek di Înîya pêşîn ya mehê de çalekîyek li dardixe. Di destpêka van çalakîyanda li ser Babetek Beşdar dîtinyê xwe tînin ziman û dû xwarin û vexwarinê ra jî derbasî beşa çandî dibê û Klam û Stranên kurdî yên ji zaraveyên cure tên gotin û govendên Kurdî tên kişandin.

 Çalakya Meha Sibatê ya Înîya siftê ji ber Fuara Pirtûkan li Wuppertalê ku ji alîyê KOMKAR’ê va pêkhat, hefteyek paşta hatibû xistin. Yanî dewsa yekê meha Sibatê Heyştê mehêda hate pêkanîn.

Berê xwarin û vexwarinê hate dayîn û dûrajî derbasî beşa mijara vê mehê bûn.

Babata vê carê Kurdên li Diyasporayê û Xebatên Lobîyê li Dîyasporayê bû. Ji bo wê jî Endamê Partîya Keskan û nûnerê wan yê Meclîsa bajarê Duisburgê, yê Esilkurd birêz Seîd Keleş jî bi mêvanî beşdarî çalakyê bûbû.

Birêz Keleş, Sipasyê xwe pêşkêşî Rêvabirên Komelê û Birêz Riza Katurman kir ku, wan ev mecal dane wî ku, ew derheqa pêwîstîya kar û xebatên bîyanyan û bi taybetî ya kurdan, di partî, rêxistin û Dezgahên Bajarvanîya Duisburgê da Agahdar bin û di nav van Dezgahanda cîh bigirin. Her usa dîtinê xwe û partîya xwe (Partîya Keskan) bi mêvananra parvebike. Piştî axaftina birêz Keleş Dîtinî û pêşnîyaryên xwe anîn ziman. Dikarin bêjin; bi giştî hemû mêvan di wê dîtinyêdabûn kû:

-         Divê êdî Kurd, Partî û Dezgehên Almana di warê ku meriv li ber bigirî û Edebîyata Lome lê kirinê nebîne. 

-         Di nav da çalak be, û pir rengîya civata kurd bide ber çav û daxwazên konkret û real di çarçeva plan û programan da bike, wek nimûne Hejmara Rûniştvanên Kurd li bajar û taxê bajaran da bi lêkolîn wek îstatîstîk bêne kifşkirin.

-         Wextê Hilbijartînên Eyalet û li seranserîya Elmanyayê nêzîk dibin, Komel û Dezgahên Kurda; Siyasetmedar û Partîyên Almanan xên ji yên nîjadperst û dij-bîyanî vexwînin Komeleyên xwe û xwe pê bidin nasîn. Bêjin ger hun rayên me dixwazin divê hun me binasin, hay ji daxwaz û problemên me hebin. Em ne ji netewên welatên lê tên (Tirk-Ereb-Ecem) û hun me ji wan dihesibînin, lê em li vir dijîn û beşek ji vê civatêne.

Pey Axaftin û pêşnîyarîyên Mêvanan derbasî beşa çandî bû. Di vê Beşêda dîsa Hunermend Miraz û Yaşar bi Blûr, Mey û Uda xwe va ji hev rengîntir Stran û awazên cur be cur ji her çar hêlên Kurdistanê û ji zaraveyên ji hev xweşiktir, bi klam û stranan va mêvanan anîne coşê û evarek xweş pşêkeşî wan kir.

 Hemû beşdarên civînê û her usa jî birêz Keleş dubare spasîyên xwe pêşkêş kir û got „ez xwe bextewar dibînim û ji vir weha di van civînên we da ez jî mêvanek qewîm û daîmî me. Pişti wê mêvanan, bi hêvîya çalakîya meha Adarê bi kêfxwaşî   xatir ji hev xwestin.